如果有史友們去過北京嘅天安門，可能都會留意到喺天安門城樓內外都有兩對刻有圖騰嘅石柱，想叫名又可能叫唔出。但其實呢啲石柱喺全國唔少傳統中式建築都存在，佢哋就係「華表」喇！

華表又被稱為桓表、表木，喺古代嘅時候就係王者用嚟納諫又或者指路用嘅。相傳喺堯時期嘅交通要道之上，都會設立木牌畀人書寫諫言，針砭時弊；而去到東漢之時，華表就改為用石柱製造並且設立喺官殿，原本嘅作用就咁消失咗。一般而言，華表都係由幾部分組成，分別係底座、蟠龍柱、承露盤以及最上層嘅蹲獸，並且設立喺宮殿、陵墓外道路兩旁。

細心嘅史友可能會留意到，其實天安門城樓內外係有兩對華表，佢哋亦都大有來頭，出面嘅一對名為「君歸」，意指君王唔可以留戀出面嘅花花世界；至於入面一對名為「君出」，寓意希望君王可以出外體察民情，真係有意思！

原圖嚟自網絡